Hugsað upphátt

Hver er framtíð okkar hér á landi?  Menn skrifa og skrifa, tala og tala um þá erfiðleika sem blasa við.  Er að hlusta á Útvarp Sögu þar sem Reynir Traustason blaðamaður Íslands er stjórnandi þáttarins.  Gestir eru tveir stjórnmálamenn og verið er að ræða 5% regluna til að ná mönnum inn á þing.  Því skildi þessi 5% regla vera? Þetta er hindrun fyrir ný öfl til að ná inn fulltrúum sínum. Væri ekki rétt að lækka þessa prósentu niður í 3% þannig að ólíkir hópar næðu fulltrúum inn á þing. Fjölbreytileiki þingmanna yrði meiri?  Er samfélag okkar ekki of fámennt til að hafa girðingar sem þessar?  Hvaða hagsmunum þjónar þessi 5% regla?

Áskorun til Bjarna Benediktssonar, íslensk fyrirtæki til mikillar fyrirmyndar.

Ég vil leggja það til við Bjarna Benediktsson formanns Sjálfstæðisflokksins að hann leggi þessar 55 milljónir til Fjölskylduhjálpar Íslands í stað þess að skila þessum fjármunum sem munu bara lenda í lögfræðihítina í kringum þessi tvö fyrirtæki.  Í dag var úthlutað matvælum til yfir 350 fátækra fjölskyldna sem leituðu til Fjölskylduhjálpar íslands.  Að fá þessar 55 milljónir til að hjálpar íslenskum fjölskyldum næstu 4 árin væri góðverk að hálfu  Sjálfstæðisflokksins.  Ég býð fyrir hönd okkar 25 sjálboðaliða Bjarna Benediktssyni í heimsókn til okkar næsta miðvikudag og upplifa þá miklu eymd sem ríkir hjá allt of mörgum íslenskum heimilum í dag, hvort sem um er að ræða fjölskyldur á höfuðborgarsvæðinu eða á landsbyggðinni.  Fjölskylduhjálp Íslands upplifir mikinn hlýhug frá íslenskum fyrirtækjum enda væri ekki hægt að hjálpa slíkum fjölda fjölskyldna nema fyrir þeirra tilstilli fyrirtækjanna.  Bestu þakkir til ykkar.

Skilað til lögaðila