Amma í gifsi.

Ég eins og aðrar ömmur fá barnabörnin í reglulega í  heimsókn og í dag kemur til mín eina ömmubarnið mitt yndislegur ömmuprins sem er 3ja og hálfs árs gamall, mikill glókollur og ætlar að gista hjá ömmu og afa í nótt.  Vandamálið er að amman verður ein  með prinsinum í dag og í kvöld en amman er fótbrotin með gifsi á vinstri fæti.  Hvað er þá til ráða því ekki fer ég með hann út á róló.  Ég  les fyrir hann, föndra með honum, fer í bílaleik.  Eitt er víst að hann vill elda kvöldmatinn með ömmu sinni og vaska upp á eftir og er þá oft handagangur í öskjunni.  Þið getið séð það í anda þegar glókollurinn 3ja og hálfs árs tekur til starfa í eldhúsinu.  Málið verður örlítið flóknara vegna aðstæðna. En þetta mun ganga allt vel, bara örlítið í hægagangi .

Með kærri kveðju,

Ásgerður Jóna

Athugasemdir

[Jens Guð, 23.9.2007 kl. 01:16]

  Þetta er bara krúttlegt. 

[Halla Rut , 1.10.2007 kl. 19:53]

Hef verið að fylgjast með þér undanfarin ár og þú ert að gera frábært starf. Fjölskyldu hjálp Íslands hefur verið bjargvættur svo margra og á allt þitt fólk hrós skilið fyrir að gefa svona mikið af sér.