Skortir íslenska karlmenn kjark?

Sælir sambloggarar, var að velta því fyrir mér hvort íslenskir karlmenn væru kjarklitlir.  Var að enda þátt minn á Útvarpi Sögur  FM 99.4 en þar er ég með þætti alla fimmtudaga frá 16 til 18, laugardaga frá 13 til 14 og á sunnudögum frá 13 til  14.  Þáttur minn á laugardögum gefur þeim fjölmörgu sem eru einhleypir ( 40% hjónabanda enda með skilnaði) að hringja inn og setja nafn sitt á lista yfir þá karlmenn / konur sem hafa áhuga á að fara með karlmanni/ konu á svipuðum aldri út að borða og eiga yndislega kvöldstund saman.  Í dag var boðið upp á fimm rétta stjörnu kvöldverð  (Stolt matreiðslumeistarans) á Einari Ben þeim glæsistað og meira að segja var allt borðvín innifalið, þ.e. sérvalið vín með hverjum rétti.  Viti menn konurnar létu ekki á sér standa en annað mál var með karlmennina okkar sem þorðu ekki fyrir sitt litla líf að hringja inn.   Eftir þáttinn fékk ég fjölda símtala frá karlmönnum sem vildu fara út að borða, en að hringja í beina útsendingu það var allt annað mál.  Hvað er að þessum elskum?  Ég spyr þann sem e-h veit um málið.  Eru okkur yndislegu karlmenn svona bældir og ef svo er, hverju er um að kenna?

kkv.

Ásgerður Jóna

 

Athugasemdir

[Guðrún María Óskarsdóttir., 13.10.2007 kl. 23:59]

Sæl Ásgerður.

Hvað segirðu ? Bendir þetta ekki til þess að þeir vilji helst sitja í reykfylltum bakherbergjum ?

kv.gmaria.

[Guðrún María Óskarsdóttir., 18.10.2007 kl. 00:40]

Já mjög merkilegt.

kv.gmaria