Lífssaga Aðalheiðar Bjarnfreðsdóttur

Fyrir utan að lesa lagaskruddurnar mínar um páskana hef ég verið að lesa sögu merkilegrar baráttukonu, hún heitir Aðalheiður Bjarnfreðsdóttir, verkakona og verkalýðsforingi.  Þetta er mögnuð ævisaga konu sem elst upp við ótrúlegt basl og fátækt kreppuáranna, eignast börn og þarf að sjá á bak þeim, á við veikindi að stríða, er í vonlitlu hjónabandi og er ótrúlega óheppin á margan annan hátt.  Hún spratt fram á kvennafrídaginn 1975 með kröftugri ræðu á útifundinum á Lækjartorgi og varð eins konar samnefnari tugþúsunda kvenna sem vildu berjast fyrir jafnrétti og réttlæti.  Þetta er góð lesning fyrir alla.   Við höfum konur í nútímanum sem berjast fyrir jafnrétti en hvar er fólkið á Íslandi sem vill berjast fyrir réttlæti í okkar þjóðfélagi í dag?

kkv.

Ásgerður Jóna Flosadóttir

Athugasemdir

[Linda litla, 24.3.2008 kl. 14:25]

Mikið langar mig að lesa ævisögu Aðalheiðar.

[Guðrún María Óskarsdóttir., 24.3.2008 kl. 23:36]

Sæl Ásgerður.

Aðalheiður var ótrúleg baráttukona, blessuð sé minning hennar.

kv.gmaria.