90 til 100.000 fyrir hvert barn.

Ég hef alltaf verið talsmaður heimgreiðslna.  Viljum við standa undir því að vera velferðarþjóðfélag?  Viljum við bera af þjóðum heims. Við vitum að skortur er á dagvistarrýmum fyrir börn, en hvað er til ráða?  Við á Íslandi getum leyst þetta vandamál með einu pennastriki ef vilji er fyrir hendi.  Við eigum að greiða foreldri með hverju barni þá upphæð sem hvert barn kosta við rekstur leikskóla á hvert barn sem í dag eru um 100.000 krónur á mánuði.  Hugsið ykkur hversu þjóðlífið yrði óstressaðra, heimilin í meira jafnvægi, börnin yfirveguð og án lyfja, færri skilnaðir, minni bílaumferð, minni mengun.  Að mínu mati tel ég það vera ábyrgðarhluti að ala barn í þennan heim.  Við fullorðna fólkið verðum að bera ábyrgð svo ég tali nú ekki um stjórnmálamenn.  Hugsið ykkur foreldra með þrjú ung börn ef þeim gæfist kostur á að vera heima hjá börnum sínum fyrstu þrjú árin gegn greiðslu.  Viðkomandi fjölskylda fengi um 300.000 krónur á mánuði mínus skatta.  Þá fyrst getum við talað um velferðarþjóðfélag, fyrr ekki. 

Athugasemdir

[Jóna Kolbrún Garðarsdóttir, 2.5.2008 kl. 00:53]

Ég er einstæð móðir 6 barna en bý með fjórum þeirra í dag, ég hefði nú ekki slegið hendinni á móti svona greiðslum þegar börnin voru ung. 

[Ásgerður Jóna Flosadóttir, 2.5.2008 kl. 01:06]

Sæl Jóna, þarna sérðu, hugsaðu þér ef þú hefðir fengið greitt með hverju barni umrædda upphæð og greitt að sjálfsögðu skatta af heildartekjum.  Hefði börnunum ekki liðið vel að hafa foreldri heima við til að taka á móti ungviðinu heim frá skóla.  En þó við séum bara að tala um að foreldrar geti verið heima upp að þriggja ára aldri, hugsaðu þér bara jafnvægið, hamingjuna og gleði allra fjölskyldumeðlimanna.

[Guðrún María Óskarsdóttir., 2.5.2008 kl. 01:21]

Hundrað prósent sammála Ásgerður.

kv.gmaria.