þóra Kristín, blaðamaður ársins, til hamingju.

Þóra Kristín er vel að þessu komin, hún er albesti blaðamaður landsins.  Mogginn má vera stoltur af henni.  Frábær fréttamaður.

Þóra Kristín blaðamaður ársins

Lítið mál fyrir sjálfstæðismenn að skipta öllum út í Reykjavík

Það er líf og fjör í Sjálfstæðisflokknum.  29 gefa kost á sér í prófkjörum flokksins í Reykjavík.  Nú er lítið mál fyrir kjósendur flokksins að skipta öllum út því nægt er framboðið.

Geir gefur ekki kost á sér

Ég þakka Guði fyrir allt þetta góða fólk.

Hvert stefnir Ísland?  Hverjir eru framtíðar möguleikar okkar sem búum hér á landi?  Við þessu eru engin svör.  Við bíðum milli vonar og ótta og getum okkur ekki hreift.  Þetta er eins og versta martröð.  Hvernig gátu ákveðnir peninga gráðugir einstaklingar gert þjóð sinn þetta?  Það er óskiljanlegt.

Sem sjálfboðaliði hjá Fjölskylduhjálp Íslands horfir maður fram á svarta framtíð.  Á miðvikudaginn var sóttu 197 fjölskyldur um mataraðstoð og það margfaldað með 2.5 þá hafa það verið 742 einstaklingar sem nutu úthlutunar þann daginn.

Fjöldi nýrra andlita, fólk sem ætíð hefur séð fyrir sér og sínum, en nú getur það ekki lengur.  Fólk með brostnar vonir, fólk sem er örvæntingarfullt og skilur ekki hvað hafi komið fyrir litla góða Ísland.

Þennan dag fékk hver fjölskylda fjóra fulla haldapoka af matvælum.  Það var yndislegt að geta úthlutað nýjum fiski, kjötfarsi og folaldakjöti til allra auk mjólkurvara, brauði, kartöflum, rófum, eggjum og góðum pakkasúpum.  Allir fóru glaðir frá borði.  Þegar við héldum heim kl. 18.00 eftir erfiðan dag var nánast allt búið og matarbúrið tómt.

Ég hef það á minni könnu að sjá til þess að matarbúrið sé fullt fyrir hvern miðvikudag og það er ekki laust við að maður sé stundum með kvíðahnút í maganum þegar hver miðvikudagur rennur upp.  Nokkur tonn af matvælum verða að vera komin í hús fyrir þann dag.

Með mér starfar yndislegur 20 til 25 manna hópur sem deilir sömu hugsjón og ég.  Þetta dásamlega fólk mætir hvern miðvikudag kl. 12.00 og stendur vaktina til kl. 18.00.  Ég þakka Guði fyrir allt þetta góða fólk sem gefur vinnu sína ár eftir ár í þágu þeirra sem minna mega sín.

Mikill ágangur hefur verið frá erlendum fjölmiðlum sem óska eftir viðtölum við mig vegna efnahagshrunsins og hef ég reynt að mæta þeim óskum.  Það er tímafrekt að fara í þessi viðtöl og eru viðtölin orðin yfir 20 talsins við sjónvarps og útvarpsstöðvar auk blaða og tímaritaviðtala síðustu þrjá mánuðina.

Hvers vegna Stykkishólmur?

Opið bréf til Guðjóns Arnars Krisjánssonar formanns Frjálslynda flokksins.Frjálslyndi flokkurinn átti 10 ára afmæli s.l. haust. Flokkurinn fékk tvo menn á þing fyrir 10 árum og árið 2003 og 2007 fjóra þingmenn kjörna. Samt sem áður er flokkurinn í dag með 1.5% fylgi í könnunum.  Hvernig má það vera spyrja margir? Stefnuskrá flokksins er framsækin fyrir land og þjóð

• Frjálslyndi flokkurinn vill standa vörð um frelsi einstaklingsins, lýðræði og mannréttindi.
• Frjálslyndi fllokkurinn vill kvótann aftur til þjóðarinnar.
• Frjálslyndi fllokkurinn vill gera landið að einu kjördæmi.
• Frjálslyndi flokkurinn vill afnema verðtrygginguna.
• Frjálslyndi flokkurinn vill standa vörð um íslenskan landbúnað.

Það virðist sem forysta fokksins skorti áhuga á að stækka flokkinn, efla innra starf flokksins og hleypa nýju fólki að. Það liggur ljóHvernig bregst forystan við nýju framboðunum? Jú, hún ákveður að flýja til fjalla með þingið. Það þarf ekki flokksmenn til að sjá að hér er verið að hindra endurnýjun á forystu flokksins. Landsþing í Stykkishólmi á kosningaári, þýðir minni aðsókn, og minni athygli. Allt virðist helst miðast við að engin endurnýjun verði og sömu menn haldi um valdataumana í flokknum, hvað sem það kostar. Hvað veldur ? Ósk um póstkosningu meðal flokksmanna um kjör í embætti flokksins fékk dræmar undirtektir en sú ósk var sett fram í ljósi þess að fjöldi félaga í flokknum hafði látið í ljósi andstöðu sína við staðsetningu þingsins.  Hvað veldur Guðjón Arnar að engin í forystunni sér né hlustar á kall flokksmanna um breytingar? Þýðir eitthvað að safna undirskriftum Guðjón Arnar ? Við viljum sjá Frjálslynda flokkinn opinn og lýðræðislegan flokk þar sem hver getur nýtt sinn lýðræðislega rétt sem flokksmaður í stjórnmálaflokki.  Guðjón Arnar, hver er þín sýn á hið nýja Ísland?                         

Ég ann landsbyggðinni frá mínum innstu hjartarótum

Sæll Ingólfur Ásgeir, er ekki allt í góðum gír hjá Íslandshreyfingunni?  Mér þykir ákaflega vænt um landsbyggðina enda snýst þetta ekkert um það eins og þú veist mæta vel.  Til að upplýsa þig þá er ég ættuð frá Fáskrúðsfirði í föður ætt og frá Lýsudal í Staðarsveit á Snæfellsnesi í móður ætt. Hér snýst málið um lýðræði.  Það væri ákaflega gaman að halda landsþing í Stykkishólmi  sem er yndislegur staður sem ég þekki mæta vel, en ekki á kosningaári.  Svo einfalt er það.

Gagnrýna flokksforystuna

Ef grunsemdir vakna, hvað meina ráðherrarnir?

Eðlilegast væri nú að senda fulltrúa frá lögregluyfirvöldum með næstu vél til Bretlands og ná tali af Boris Berezovsky kaupsýslumanni og kanna málið ýtarlega.   Hvað eru menn að hugsa.   Fréttin var á Sky sjónvarpsstöðinni.

Fjármálaefirlitið skoði málið

Nú verður tekið á málunum

Þökk sem þeim í Bretlandi, nú kemst hreyfing á málið.  Ég var ætíð viss um að við þyrftum hjálp að utan.

Íhuga rannsókn á bankahruni

Prófkjör Frjálslynda flokksins í Reykjavík?

Það heyrist meðal manna í Reykjavík að mikil áhugi sé fyrir prófkjöri fyrir kosningarnar í april n.k.  Sögur herma að mikil þróttur sé meðal frjálslyndra í Reykjavík og ætla frjálslyndir sér stóra hluti enda með pólitíska stefnu sem  ætlað er að þjóna öllu landinu.

Landsþing Frjálslynda flokksins í Reykjavík ???

Það skiptir  gríðarlega miklu máli að landsþing Frjálslynda flokksins verði haldið í Reykjavík með glæsibrag þannig að sem flestir geti skráð sig í flokkinn og tekið þátt í að móta framtíðina.  Fólk þarf að hafa í huga að skráningu þarf að vera lokið viku fyrir landsþing.

Vilja í forystu Frjálslynda flokksins

Í Frjálslynda flokkinn og taka þátt í landsþinginu í mars.

Vísir, 03. feb. 2009 16:07

Bjóða sig fram til forystu í Frjálslynda flokknum

Guðrún María Óskarsdóttir. Myndin er tekin af heimasíðu hennar.

Guðrún María Óskarsdóttir og Ásgerður Jóna Flosadóttir bjóða sig fram til forystu í Frjálslynda flokknum á komandi landsþingi flokksins 13. til 15. mars.

Guðrún María er skólaliði og aðstoðarmaður Grétars M. Jónssonar býður sig fram til formanns og Ásgerður Jóna, stjórnmálafræðingur og formaður Fjölskylduhjálpar Íslands, til varaformanns.

„Við erum valkostur fyrir flokksmenn til umbreytinga og nýrrar sóknar þar sem Frjálslyndi flokkurinn hefur í sinni stefnumótun allt það sem þarf til að byggja nýtt Ísland. Réttlæti í orði, sé réttæti á borði, og ljós mannúðar og sanngirni verði vegvísir til framtíðar," segir í sameiginlegri tilkynningu.