Maður reytir hár sitt af reiði.

Það liggur við að maður missi meðvitund við það eitt að horfa á fréttirnar.  Maður hugsar:  Vantar allt vit í okkur íslendinga?  Það er verið að dæla hundruðum milljarða hingað og þangað til að redda fyrirtækjum sem í raun ættu að fara í gjaldþrot og reisa ný upp frá grunni.  Skuldugir íbúðareigendur mega sitja heima í taugahrúgu, með magakrampa, geta hvergi sig hreift, allt upp í lofti, sambúðarfólk ákveður að skilja, splundra heimilinu, skítt með blessuð börnin sem fara mjög illa út úr þessu ástandi, bara að redda fyrirtækjunum.  Við þetta venjulega fólk verðum í skuldafjötrum næstu áratugina. Það er í lagi að afskrifa hundruð milljarða en ekki má setja túkall í að hjálpa skuldugum heimilum þessa lands.  Hvenær ætlum við að rísa upp og mótmæla.  Við þurfum gott og heiðarlegt fólk inn á Alþingi íslendinga, fólk sem hugsar um heildina en ekki útvalda hópa.  Hvenær mun þjóðin upplifa slíkt?

Athugasemdir

[Jón Svan Sigurðsson, 9.7.2009 kl. 21:55]

Já....eða maður grætur úr sorg yfir þessu siðlausa liði sem stjórnar landinu. Það er mér um megn að skilja hvernig er verið að hundsa þarfir fólksins í landinu. Það eru mjög fáir inná alþingi sem eru að hugsa um fjölskyldur landsins. Hin venjulega skulduga íslending. Allavega sýna þeir það ekki í verki. Ömurlegt. Ég ætla ekki að festa mig og mína fjölskyldu í skuldafjötrum næstu áratugina. Þetta er ástand sem er óboðlegt og viðbjóðsleg framkoma gangvart fólkinu í landinu. Kræst hvað maður er búinn að fá mikið ógeð á þessum flokkum og svikapólitík. Skjaldborg um heimilin er mesta kosningasvindl í sögunni. Að með töldu ESB og Icesave svik VG.