Stelpurnar okkar í Rúmeníu, fjórði sigur liðsins.

Stelpurnar okkar í íslenska Íshokkí landsliðinu unnu áðan sinn fjórða sigur í  Rúmeníu rétt í þessu.

Þær sigruðu  Nýja Sjáland  5 mörk gegn 1.  Flosrún Vaka Jóhannesdóttir skoraði 3 mörk, var með  eina stoðsendingu, og valinn maður leiksins.  Frábært hjá stelpunum okkar.

Sjálfstæðismenn hvers vegna?

Hvernig má það vera að flokkur sem hefur sitt slagorð BÁKNIÐ BURT í áratugi láti það viðgangast að byggja undir BÁKNIÐ.  Nú hefur opinberum starfsmönnum fjölgað um hvorki meira né minna en um 3000 manns.  Hvað er í gangi hjá flokknum? Ég bara spyr?

 

Spæld út í sjálfa mig.

Ég eignaðist góðan vin frá Indlandi fyrir þremur árum  er hann dvaldi hér um vikutíma á ferð sinni um Norðurlöndin og Evrópu sem hann gerir oft.  Höfum verið í netsambandi síðan auk þess sem hann hefur aðstoðað mig á margan hátt. þar sem ég er ákaflega stolt af landinu mínu ákvað ég að gefa þessum vini mínum eitthvað fallegt um Ísland.   Þegar ég var í Delhi á Indlandi í október á síðasta ári sendi ég þessum vini mínum, sem býr í Kerala en Kerala er mjög langt frá Delhi, disk með  upplýsingum um Ísland í máli og myndum.  Þeir á hótelinu spurðu mig hvort ég vildi senda pakkann heim að húsi með sérstakri afgreiðslu.  Ég sagði neiii neiii  sendi þetta bara venjulega.  Vinur minn beið spenntur en aldrei kom pakkinn.  Vinur minn spurði mig hvernig ég hefði sent pakkann?  Nú ég sagði honum það.  Hann sagði að maður ætti alltaf að nýta sér sérstaka afgreiðslu beint að dyrum.  Man þetta næst.

kkv.

Fjölskylduhjáp Íslands í dag.

Í gær fór ég yfir það hvað við gætum úthlutað í dag miðvikudag.  Talaði við Leif hjá Kjarnafæði og gerði góð kaup á 140 kg af kjötfarsi. Hafði athugað annan möguleika sem reyndist of dýr.  Hringdi í MS og pantaði mjólkina og vonandi eiga þeir eitthvað auka sem þeir senda okkur að kostnaðarlausu.  Myllan sendir okkur alltaf brauð og svo gefur Bakarameistarinn okkur mikið magn af sinni framleiðslu vikulega.  Vonandi fáum við eitthvað grænmeti en það er víst eitthvað lítið um það á þessum árstíma.   Vitum aldrei hversu margir þurfa á aðstoð.  Geng inn í daginn bjartsýn eins og venjulega.

kkv

Íshokkí stelpurnar okkar sátu fyrir svörum í rúmenska sjónvarpinu.

Milljón manns í Rúmeníu sáu íslensku Íshokkí stelpurnar okkar í klukkutíma viðtali í sjónvarpsþætti þar í landi.  Voru þær spurðar um allt milli himins og jarðar og voru því góð landkynning fyrir Ísland.

Féll krónan með handafli?

Styð Davíð Oddsson Seðlabankastjóra heilshugar í því að athuga hvort það geti verið að krónan hafi fallið sökum handafls.  Ef svo reynist, þá verði menn látnir sæta ábyrgð.  Áfram Davíð.

Höfnum nafnlausum bloggurum.

Best væri að sem flestir höfnuðu nafnlausum bloggurum.  Förum ekki inn á síður þeirra og gerum ekki athugasemdir hjá þeim.  Með því neyðast þeir að koma fram í dagsbirtuna eða þeir hætta að blogga.

Nafnlausir bloggarar.

Þar sem ég er á móti því að fólk bloggi undir nafnleynd hef ég eytt öllum bloggvinum mínum sem blogga í leyni. Sorry!

Nafnaleynd á blogginu. Hvers vegna?

Ég hef velt því fyrir mér hvers vegna Mbl.is leyfir einstaklingum að blogga undir nafnleynd.  Ég tel slíkt mjög óeðlilegt.  Kemur það fyrir að nafnlausu bloggararnir ati annað fólk auri og sá sem fyrir verður veit ekki hvaðan á sig stendur veðrið.  Þeir sem vilja tjá sig í bloggheimi  eiga að gera það undir nafni.  Annað er óheiðarlegt.  Hvað er þetta fólk að fela?

Reykjavíkurbréf Morgunblaðsins s.l. sunnudag.

Hvers konar ástand halda menn að yrði hér ef 10 -15 þúsund manns yrðu atvinnulaus á Reykjavíkursvæðinu snemma á næsta ári er spurt í  nýjasta Reykjavíkurbréfi í  sunnudagsblaði Morgunblaðsins .  Horft er yfir svið efnahagsmála hér á landi og velt fyrir sér hver framvinda mála gæti hugsanlega orðið.  Þetta er með betri Reykjavíkurbréfum Morgunblaðsins og hvet ég alla til að lesa það.  Þetta bréf hefur mikið upplýsingalegt gildi fyrir okkur öll.